DA Hike Maharashtra: जर तुम्ही महाराष्ट्र राज्य सरकारी कर्मचारी असाल, तर ही अपडेट तुमच्यासाठी आहे. प्रदीर्घ प्रतीक्षेनंतर आता तुमच्या पगारात मोठी वाढ होणार असून, 7th Pay Commission नुसार महागाई भत्ता वाढ संदर्भात शासन निर्णय जाहीर झाला असून, DA मध्ये 3 टक्के वाढ करण्यात आली आहे.
राज्य सरकारी कर्मचाऱ्यांच्या महागाई भत्त्यामध्ये 3 टक्क्यांची वाढ
राज्य सरकारी कर्मचाऱ्यांच्या महागाई भत्त्यामध्ये 3 टक्क्यांची घसघशीत वाढ केली आहे. सध्या कर्मचाऱ्यांना ५५ टक्के महागाई भत्ता मिळत होता, तो वाढून आता ५८ टक्के झाला आहे. ही वाढ दिनांक 1 जुलै 2025 पासून लागू करण्यात आली आहे.
केंद्रीय कर्मचाऱ्यांच्या बरोबरीने मिळणार लाभ
खरे तर, केंद्र सरकारने केंद्रीय कर्मचाऱ्यांसाठी दिवाळीपूर्वीच महागाई भत्त्यात वाढ केली होती. जुलै २०२५ पासून लागू झालेल्या या निर्णयामुळे केंद्रीय कर्मचाऱ्यांचा महागाई भत्ता ५५ टक्क्यांवरून ५८ टक्के झाला आहे.
देशभरातील अनेक राज्यांनी आपल्या कर्मचाऱ्यांना केंद्राप्रमाणेच वाढीव भत्ता लागू केला आहे. राज्य सरकारी कर्मचारी या वाढीच्या प्रतीक्षेत होते. आता ही प्रतीक्षा संपली असून, राज्य कर्मचाऱ्यांना देखील केंद्राच्या धर्तीवर ५८ टक्के दराने महागाई भत्ता मिळणार आहे.
वाढ कधीपासून लागू होणार? थकबाकी मिळणार का?
शासनाने ही वाढ पूर्वलक्षी प्रभावाने (Retrospective effect) लागू केली आहे.
- लागू होण्याची तारीख: ही सुधारित ३% वाढ १ जुलै २०२५ पासून पूर्वलक्षी प्रभावाने लागू करण्यात आली आहे.
- रोखीने कधी मिळणार?: दिनांक १ फेब्रुवारी २०२६ पासून ही महागाई भत्ता वाढ कर्मचाऱ्यांना रोखीने (म्हणजेच चालू पगारात) दिली जाईल.
- थकबाकी (Arrears): जुलै २०२५ ते ऑक्टोबर २०२५ या चार महिन्यांच्या कालावधीतील थकबाकी मार्च २०२६ या महिन्यात रोखीने अदा करण्यात येणार आहे. उर्वरित कालावधीच्या (नोव्हेंबर २०२५ ते जानेवारी २०२६) थकबाकीबाबतचे आदेश शासन स्वतंत्रपणे काढणार आहे.
DA Calculator : महागाई भत्ता कॅल्क्युलेटर, तुमचा पगार तपासा!
अधिक माहितीसाठी महागाई भत्ता वाढ शासन निर्णय डाउनलोड करा
