Anshkalin Nideshak Maharashtra : स्थानिक स्वराज्य संस्थांच्या उच्च प्राथमिक शाळांमधील अंशकालीन निदेशकांसाठी (Part-Time Instructors) महाराष्ट्र शासनाने मोठा निर्णय घेतला आहे. शासनाच्या शालेय शिक्षण व क्रीडा विभागाने २० ऑक्टोबर २०२५ रोजी जारी केलेल्या शासन निर्णयानुसार, निदेशकांच्या मानधनासाठी (Honorarium) ₹३० कोटींचा निधी वितरित करण्यास मान्यता दिली आहे.
या निधी वितरणासह, राज्य शासनाने उच्च न्यायालयाच्या (High Court) आदेशानंतर अंशकालीन निदेशकांसाठी कायम संवर्ग (Permanent Cadre) निर्माण करण्याची प्रक्रिया निश्चित केली आहे. यामुळे हजारो निदेशकांच्या नोकरीला स्थैर्य प्राप्त होणार आहे.
कायम संवर्ग आणि मानधनातील वाढीव दर I Anshkalin Nideshak Maharashtra
मा. मंत्रीमंडळाच्या मान्यतेनुसार, आता कायम संवर्ग (Permanent Cadre) तयार करण्यात आला आहे.
पात्र शाळा: जिल्हा परिषदेच्या इ. ६ वी ते ८ वीसाठी १०० पेक्षा जास्त पटसंख्या (Student Enrollment) असलेल्या शाळांवर (आधार प्रमाणित) ही नियुक्ती केली जाईल.
विषय: कला, क्रीडा (Sports) व कार्यानुभव (Work Experience) या प्रत्येक विषयासाठी १ याप्रमाणे एकूण ३ निदेशकांची नियुक्ती होईल.
मानधनातील वाढ: अंशकालीन निदेशकांना ४८ तासिकांच्या अध्यापनाकरिता रु. १२,०००/- इतके मानधन मिळणार आहे.
कमाल मानधन (New Cap): सर्वात महत्त्वाचे म्हणजे, ४८ तासिकांपेक्षा अधिक काम केल्यास, रु. २००/- प्रती तासिका या दराने त्यांना रु. १८,०००/- इतक्या कमाल मर्यादेत मानधन अदा करण्याची तरतूद करण्यात आली आहे.
तासिका अपूर्ण असल्यास: उपलब्ध कार्यभारानुसार तासिका पूर्ण न झाल्यास, जेवढ्या तासिका पूर्ण होतील तेवढ्या तासिकांचे मानधन रु. २५०/- प्रती तासिका दराने अदा केले जाईल.
निधी वितरण आणि अंमलबजावणी:सध्या जून २०२५ पासूनच्या मानधनाकरिता ₹३० कोटी निधी शिक्षण संचालक (प्राथमिक), पुणे यांच्याकडे सुपूर्द करण्यात आला आहे. शिक्षण संचालकांनी हा निधी संबंधित जिल्हा परिषद/महानगरपालिकांना त्वरित वितरित करण्याचे निर्देश देण्यात आले आहेत. या निधीतील अनियमितता टाळण्यासाठी, मानधन थेट निदेशकांच्या बँक खात्यात (Bank Account) जमा करण्याची दक्षता घेण्याचे निर्देशही शासनाने दिले आहेत.
अधिक माहितीसाठी : शासन निर्णय पाहा
