Asha Sevika Salary Update: राज्यातील आरोग्य व्यवस्थेचा कणा असलेल्या सर्व आशा स्वयंसेविका आणि गटप्रवर्तकांसाठी एक दिलासादायक अपडेट समोर आली आहे. गेल्या काही महिन्यांपासून प्रलंबित असलेल्या मानधनाचा प्रश्न आता सुटण्याच्या मार्गावर असून, प्रशासकीय स्तरावर त्याबाबत वेगाने हालचाली सुरू झाल्या आहेत.
केंद्र शासनाच्या मानधनाची सद्यस्थिती
अनेक दिवसांपासून केंद्र शासनाकडून मिळणारे मानधनाचे वितरण रखडले होते. मात्र, आता केंद्र सरकारकडून आवश्यक निधी प्राप्त झाला आहे.
सध्या राज्यस्तरीय वित्त विभागाकडे या निधीच्या वितरणाची प्रक्रिया अंतिम टप्प्यात आहे. येत्या १० ते १५ दिवसांच्या कालावधीत हे प्रलंबित मानधन थेट तुमच्या खात्यात वर्ग व्हावे, यासाठी वित्त विभाग सर्वतोपरी प्रयत्न करत आहे.
मानधनाला उशीर होऊनही तुम्ही जो संयम आणि प्रशासनावर विश्वास दाखवला, त्याबद्दल विभागाकडून कृतज्ञता व्यक्त करण्यात आली आहे.
राज्य शासन मानधन आणि नवीन तरतूद
राज्य शासनाकडून दिले जाणारे मासिक मानधन वेळेत मिळावे, यासाठी दरवर्षी नवीन आर्थिक वर्षात एक शासन निर्णय (GR) निर्गमित करावा लागतो. सध्या शासन पातळीवर या तांत्रिक प्रक्रियेवर काम सुरू आहे.
हे मानधन दरमहा विनाअडथळा उपलब्ध व्हावे, यासाठी नवीन शासन निर्णय लवकरच प्रसिद्ध होईल. राज्य शासनाचा निधी वेळेत उपलब्ध करून देण्यासाठी प्रशासन सध्या युद्धपातळीवर प्रयत्न करत आहे.
प्रशासनाची ग्वाही आणि सहकार्याचे आवाहन
आशा कक्ष आणि राष्ट्रीय आरोग्य अभियान, मुंबई यांच्या वतीने स्पष्ट करण्यात आले आहे की, केंद्र शासनाचे प्रलंबित मानधन आणि राज्य शासनाचे मासिक मानधन लवकरात लवकर तुमच्यापर्यंत पोहोचवण्यासाठी आम्ही पूर्णपणे बांधील आहोत.
आरोग्य यंत्रणेत आशा स्वयंसेविकांचे योगदान अत्यंत मोलाचे आहे, त्यामुळेच तुमच्या आर्थिक हक्कांची पूर्तता करणे ही आमची प्राथमिकता आहे. या संपूर्ण प्रक्रियेत आपले सहकार्य आणि संयम कायम राहील, अशी अपेक्षा आरोग्य विभागाच्या वतीने व्यक्त करण्यात आली आहे.
आशा स्वयंसेविका आणि गटप्रवर्तक यांचे सन २०२५-२६ या आर्थिक वर्षातील नोव्हेंबर ते मार्च पर्यंत चे मानधन शासन निर्णय
