HSC Result 2026: महाराष्ट्र राज्य माध्यमिक व उच्च माध्यमिक शिक्षण मंडळ, पुणे तर्फे घेण्यात आलेल्या फेब्रुवारी २०२६ च्या उच्च माध्यमिक प्रमाणपत्र (HSC) परीक्षेचा निकाल जाहीर झाला आहे. या परीक्षेतील विद्यार्थ्यांच्या कामगिरीचे विविध निकषांच्या आधारे केलेले सविस्तर विश्लेषण खालीलप्रमाणे आहे.
HSC Result 2026 State Wise Performance
महाराष्ट्र राज्यातील एकूण ९ विभागांपैकी कोकण विभागाने आपला दबदबा कायम राखला आहे. कोकण विभागाचा निकाल सर्वाधिक ९४.१४% इतका लागला असून त्याखालोखाल पुणे विभाग ९१.2५% निकालासह दुसऱ्या स्थानावर आहे. लातूर विभागाचा निकाल सर्वात कमी म्हणजेच ८४.१४% इतका नोंदवला गेला आहे.
राज्यातील इतर प्रमुख विभागांची कामगिरी खालीलप्रमाणे आहे.
- अमरावती: ९०.९२%
- नाशिक: ९०.७२%
- मुंबई: ९०.०८%
- कोल्हापूर: ८९.९७%
- छत्रपती संभाजीनगर: ८८.६८%
- नागपूर: ८८.६७%
Sex wise performance of candidates
या परीक्षेमध्ये दरवर्षीप्रमाणे यंदाही विद्यार्थिनींनी बाजी मारली आहे. नियमित फ्रेश विद्यार्थ्यांच्या निकालामध्ये मुलींचे उत्तीर्ण होण्याचे प्रमाण ९३.१५% आहे, तर मुलांचे प्रमाण ८६.८०% इतके आहे. सर्व विभागांमध्ये मुलींच्या उत्तीर्णतेची टक्केवारी मुलांपेक्षा अधिक असल्याचे दिसून येते. कोकण विभागात मुलींच्या निकालाची टक्केवारी सर्वाधिक ९६.७८% आहे.
Stream wise performance of candidates
विविध विद्याशाखांचा विचार करता विज्ञान शाखेचा निकाल सर्वाधिक लागला आहे. विज्ञान शाखेचे एकूण ९६.४४% विद्यार्थी उत्तीर्ण झाले आहेत. त्यापाठोपाठ वाणिज्य (Commerce) शाखेचा निकाल ८७.०३% लागला आहे.
इतर शाखांची कामगिरी
- कला (Arts): ७८.०२%
- एचएससी व्होकेशनल (HSC-VOC): ८२.७४%
- तांत्रिक विज्ञान (Tech. Science): ८१.७८%
पुनर्परीक्षार्थी (Repeater) विद्यार्थ्यांच्या बाबतीत देखील विज्ञान शाखेची कामगिरी इतर शाखांच्या तुलनेत सरस (६६.८९%) राहिली आहे.
Grade wise performance of candidates
राज्यातील नियमित उत्तीर्ण विद्यार्थ्यांपैकी सर्वाधिक विद्यार्थी ‘द्वितीय श्रेणी’ (Grade-II) मध्ये उत्तीर्ण झाले आहेत. एकूण ५,८१,५१९ विद्यार्थ्यांनी द्वितीय श्रेणी मिळवली आहे. विशेष प्राविण्यासह (Distinction) उत्तीर्ण होणाऱ्या विद्यार्थ्यांची संख्या १,४२,६९७ इतकी आहे.
इतर श्रेणींचा तपशील:
- प्रथम श्रेणी (Grade-I): ३,६२,०३३
- उत्तीर्ण श्रेणी (Pass Grade): २,००,५९४
Overall subject wise passing statistics
विविध विषयांच्या निकालाचे विश्लेषण केल्यास असे दिसून येते की, अनेक भाषा विषयांचा आणि तांत्रिक विषयांचा निकाल १००% लागला आहे. मल्याळम, तेलगू, पंजाबी, रशियन आणि स्पॅनिश या भाषांमध्ये १००% विद्यार्थी उत्तीर्ण झाले आहेत.
मुख्य विषयांची कामगिरी
- इंग्रजी: ९०.३५%
- मराठी: ९५.९७%
- गणित आणि सांख्यिकी: ९६.८७%
- भौतिकशास्त्र (Physics): ९८.०८%
- रसायनशास्त्र (Chemistry): ९८.४५%
- जीवशास्त्र (Biology): ९८.३७%
- अर्थशास्त्र (Economics): ८९.४४%
व्यावसायिक आणि तांत्रिक विषयांमध्ये जसे की, संगणक शास्त्र (Computer Science) ९९.९४% आणि इलेक्ट्रॉनिक्स ९९.८६% अशा उत्कृष्ट निकालाची नोंद झाली आहे.
एकूण कामगिरीचा सारांश
फेब्रुवारी २०२६ च्या परीक्षेसाठी एकूण १४,४४,७१३ विद्यार्थ्यांनी नोंदणी केली होती, त्यापैकी १४,३३,०५८ विद्यार्थी परीक्षेला बसले. यामधील १२,८६,८४३ विद्यार्थी उत्तीर्ण झाले असून राज्याचा एकूण निकाल ८९.७९% लागला आहे. खाजगी विद्यार्थी (Fresh Private) म्हणून बसलेल्या विद्यार्थ्यांचा निकाल ८०.२१% लागला आहे, तर पुनर्परीक्षार्थी (Repeater) विद्यार्थ्यांचा निकाल ३६.४४% इतका आहे.
अधिक माहितीसाठी : HSC Result 2026 Statistics PDF Download
