NMMS Exam Information In Marathi NMMS शिष्यवृत्ती परीक्षा २०२५-२६ साठी ऑनलाईन अर्ज प्रक्रिया सुरु झाले आहे. या परीक्षेचा अभ्यासक्रम, परीक्षेचे स्वरूप, अर्ज करण्याची प्रक्रिया आणि परीक्षेच्या महत्त्वाच्या तारखांची सविस्तर माहिती पाहूया.
NMMS Result Merit List PDF Download
NMMS Exam Information In Marathi संपूर्ण माहिती
NMMS परीक्षा काय आहे?
केंद्र सरकारतर्फे आर्थिकदृष्ट्या दुर्बल घटकातील (Economically Weaker Section) हुशार विद्यार्थ्यांसाठी NMMS (National Means Cum Merit Scholarship) योजना चालवली जाते.
या योजनेअंतर्गत, इयत्ता ८ वीच्या विद्यार्थ्यांना शिष्यवृत्ती परीक्षा द्यावी लागते. या परीक्षेत जे विद्यार्थी पात्र ठरतात, त्यांना ९ वी ते १२ वी पर्यंत दरमहा १००० रुपये म्हणजेच वर्षाला १२००० रुपये शिष्यवृत्ती मिळते. महाराष्ट्रात ही परीक्षा महाराष्ट्र राज्य परीक्षा परिषद, पुणे यांच्यामार्फत घेतली जाते.
परीक्षेची उद्दिष्ट्ये
- आर्थिक दुर्बल घटकांमधील हुशार विद्यार्थ्यांना शोधून त्यांना उत्तम शिक्षण घेण्यासाठी आर्थिक मदत करणे.
- विद्यार्थ्यांचे शिक्षण उच्च माध्यमिक स्तरापर्यंत सुरू ठेवण्यास मदत करणे.
- विद्यार्थ्यांची बुद्धिमत्ता विकसित करून त्यांना राष्ट्रसेवेसाठी तयार करणे.
NMMS Scholarship Exam पात्रता आणि अटी
NMMS परीक्षेसाठी बसण्यासाठी काही महत्त्वाच्या अटी आहेत:
- विद्यार्थी महाराष्ट्रातील कोणत्याही शासकीय, शासनमान्य अनुदानित किंवा स्थानिक स्वराज्य संस्थेच्या शाळेत ८ वी मध्ये शिकत असावा.
- पालकांचे (आई आणि वडील दोघांचे मिळून) वार्षिक उत्पन्न ₹३,५०,००० पेक्षा कमी असावे.
- ७ वी मध्ये किमान ५५% गुण मिळवून विद्यार्थी उत्तीर्ण झालेला असावा. (अनुसूचित जाती (SC) आणि अनुसूचित जमाती (ST) च्या विद्यार्थ्यांसाठी किमान ५०% गुण आवश्यक आहेत).
या परीक्षेसाठी कोण पात्र नाही?
- विनाअनुदानित शाळांमधील विद्यार्थी.
- केंद्रीय विद्यालये किंवा जवाहर नवोदय विद्यालयातील विद्यार्थी.
- शासकीय वसतिगृहांमध्ये राहणारे किंवा सैनिकी शाळेतील विद्यार्थी.
अर्ज प्रक्रिया आणि महत्त्वाच्या तारखा
- परीक्षा अर्ज: ऑनलाइन अर्ज परिषदेच्या https://www.mscepune.in व https://mscenmms.in या वेबसाइटवर उपलब्ध आहेत.
- परीक्षा दिनांक: रविवार, २८ डिसेंबर, २०२५ रोजी NMMS परीक्षा आयोजित केली जाईल.
- नियमित शुल्कासह अर्ज करण्याची मुदत: १२ सप्टेंबर, २०२५ ते ११ ऑक्टोबर, २०२५.
- विलंब शुल्कासह अर्ज करण्याची मुदत: १२ ऑक्टोबर, २०२५ ते २१ ऑक्टोबर, २०२५.
- अतिविलंब शुल्कासह अर्ज करण्याची मुदत: २२ ऑक्टोबर, २०२५ ते ३० ऑक्टोबर, २०२५.
परीक्षा शुल्क:
- नियमित शुल्क: ₹१२०/-.
- विलंब शुल्क: ₹२४०/-.
- अतिविलंब शुल्क: ₹३६०/-.
परीक्षेचे स्वरूप आणि विषय
NMMS परीक्षेमध्ये दोन पेपर असतात. प्रत्येक पेपर ९० गुणांचा आणि ९० प्रश्नांचा असतो.
- बौद्धिक क्षमता चाचणी (MAT): यामध्ये कार्यकारणभाव आणि विश्लेषणावर आधारित ९० बहुपर्यायी प्रश्न असतात.
- शालेय क्षमता चाचणी (SAT): यात ७ वी आणि ८ वीच्या अभ्यासक्रमावर आधारित एकूण ९० प्रश्न असतात. यामध्ये सामान्य विज्ञान (३५ गुण), समाजशास्त्र (३५ गुण) आणि गणित (२० गुण) या विषयांचा समावेश असतो.
महत्त्वाचे:
- माध्यम: ही परीक्षा मराठी, हिंदी, इंग्रजी, उर्दू, गुजराती, तेलुगू आणि कन्नड या सात माध्यमांतून देता येते.
- पात्रता गुण: दोन्ही विषयांमध्ये मिळून ४०% गुण मिळवणे आवश्यक आहे. (SC, ST आणि दिव्यांग विद्यार्थ्यांसाठी ३२% गुण आवश्यक आहेत) .
- वजा गुण पद्धत: NMMS परीक्षेमध्ये चुकीच्या उत्तरांसाठी कोणतेही गुण वजा केले जात नाहीत (Negative Marking).
निकाल: परीक्षेचा निकाल साधारणपणे फेब्रुवारी २०२६ च्या पहिल्या किंवा दुसऱ्या आठवड्यात जाहीर होण्याची शक्यता आहे. निकाल फक्त परिषदेच्या वेबसाइटवरच पाहता येईल.
या परीक्षेची तयारी करून तुम्ही तुमच्या उज्ज्वल भविष्याची पायाभरणी करू शकता. अधिक माहितीसाठी, महाराष्ट्र राज्य परीक्षा परिषदेच्या वेबसाइटला नियमित भेट द्या.
महत्वाच्या लिंक
