NMMS शिष्यवृत्ती परीक्षेची सुधारित तारीख जाहीर

महाराष्ट्र राज्य परीक्षा परिषद, पुणे यांच्यामार्फत सन २०२५-२६ साठी इयत्ता ८ वीच्या विद्यार्थ्यांसाठी घेण्यात येणाऱ्या राष्ट्रीय आर्थिक दुर्बल घटक विद्यार्थ्यांसाठी शिष्यवृत्ती योजना परीक्षा (NMMS) च्या तारखेत बदल करण्यात आला आहे.

आर्थिकदृष्ट्या दुर्बल घटकातील (Economically Weaker Section) हुशार विद्यार्थ्यांसाठी असलेली ही NMMS परीक्षा आता २१ डिसेंबर २०२५ ऐवजी २८ डिसेंबर २०२५ रोजी महाराष्ट्र राज्यातील सर्व जिल्ह्यांमध्ये आयोजित केली जाणार आहे.

NMMS शिष्यवृत्ती परीक्षेची सुधारित तारीख

NMMS परीक्षेची तारीख बदलण्यामागे एक महत्त्वाचे कारण आहे. सुरुवातीला ही परीक्षा रविवार, दि. २१ डिसेंबर २०२५ रोजी घेण्याचे निश्चित करण्यात आले होते.

मात्र, त्याच दिवशी महाराष्ट्र लोकसेवा आयोगामार्फत (MPSC) महाराष्ट्र अराजपत्रित गट-ब सेवा संयुक्त पूर्व परीक्षा देखील आयोजित करण्यात आलेली आहे.

दोन मोठ्या परीक्षांची तारीख एकाच दिवशी आल्याने विद्यार्थ्यांची व परीक्षा प्रशासनाची होणारी गैरसोय लक्षात घेऊन, NMMS परीक्षेची तारीख एक आठवड्याने पुढे ढकलण्याचा निर्णय घेण्यात आला आहे.

त्यामुळे, NMMS ची तयारी करणाऱ्या विद्यार्थ्यांसाठी आता नवी NMMS Scholarship Exam Date 2025 ही २८ डिसेंबर २०२५ असणार आहे.

हे ही वाचा

NMMS सराव प्रश्नपत्रिका PDF 2025 (सर्व माध्यम)

NMMS परीक्षा नेमकी काय आहे?

NMMS (National Means Cum Merit Scholarship) ही केंद्र सरकारद्वारे चालवली जाणारी एक महत्त्वपूर्ण योजना आहे. आर्थिक अडचणींमुळे गुणवान विद्यार्थ्यांचे शिक्षण अर्धवट राहू नये, हा या योजनेचा मुख्य उद्देश आहे.

पात्रता आणि लाभ: या योजनेअंतर्गत, इयत्ता ८ वीच्या विद्यार्थ्यांना शिष्यवृत्ती परीक्षा द्यावी लागते.

शिष्यवृत्ती रक्कम: या परीक्षेत जे विद्यार्थी पात्र ठरतात, त्यांना इयत्ता ९ वी ते १२ वी पर्यंत दरमहा ₹१,००० (एक हजार रुपये) शिष्यवृत्ती मिळते. म्हणजे, पात्र विद्यार्थ्याला वर्षाला ₹१२,००० इतकी मोठी आर्थिक मदत मिळते.

हे ही वाचा

महाज्योती मोफत टॅब योजनेत नवीन बदल; Tab कधी मिळणार? सूचना पत्र जारी

महाराष्ट्रातील आयोजन: महाराष्ट्रात या परीक्षेचे आयोजन महाराष्ट्र राज्य परीक्षा परिषद, पुणे यांच्यामार्फत केले जाते.

NMMS शिष्यवृत्तीमुळे हजारो विद्यार्थ्यांना आपले पुढील शिक्षण कोणत्याही आर्थिक अडथळ्याशिवाय पूर्ण करता येते. ज्या विद्यार्थ्यांनी या परीक्षेसाठी अर्ज केले आहेत, त्यांनी नोंद घ्यावी की सुधारित NMMS Scholarship Exam Date 2025 आता २८ डिसेंबर २०२५ आहे आणि त्यानुसार आपल्या अभ्यासाचे नियोजन करावे.

NMMS Scholarship Exam Date 2025 संदर्भात अधिकृत माहितीसाठी विद्यार्थ्यांनी महाराष्ट्र राज्य परीक्षा परिषदेच्या संकेतस्थळाला नियमित भेट देत राहावी.