वर्ष २०२५ मध्ये महाराष्ट्रातील शेतकऱ्यांनी अतिवृष्टी आणि महापुरामुळे झालेल्या अभूतपूर्व नुकसानीचा सामना केला. खरीप हंगामातील उभी पिके वाहून गेली, शेतजमिनी खरडून गेल्या आणि शेतकऱ्यांचे मोठे आर्थिक नुकसान झाले. अशा कठीण परिस्थितीत, राज्य सरकारने आता एक अत्यंत महत्त्वाचा आणि दिलासादायक निर्णय घेतला आहे.
नुकसानीमुळे संकटात सापडलेल्या शेतकऱ्यांसाठी, त्यांच्या Shetkari Karj (शेतकरी कर्जाच्या) वसुलीला एक वर्षासाठी स्थगिती देण्यात आली आहे. सहकार विभागाने दिनांक २६ नोव्हेंबर २०२५ रोजी हे महत्त्वपूर्ण शासन परिपत्रक जारी केले आहे.
‘शेतकरी कर्ज’ वसुलीला स्थगिती
जून ते सप्टेंबर २०२५ या काळात राज्यात मोठ्या प्रमाणात अतिवृष्टी आणि पूर परिस्थिती उद्भवली होती. या आपदग्रस्तांना दुष्काळ सदृश्य परिस्थितीत लागू असणाऱ्या सवलती देण्याबाबत महसूल व वन विभागाने १० ऑक्टोबर २०२५ रोजी शासन निर्णयाद्वारे मान्यता दिली होती. याच अनुषंगाने, सहकार विभागाने दोन प्रमुख सवलतींची अंमलबजावणी सुरू केली आहे:
सहकारी कर्जाचे पुनर्गठन: बाधित शेतकऱ्यांच्या अल्पमुदत पीक कर्जाचे रूपांतरण आता मध्यम मुदत पीक कर्जात केले जाणार आहे.
कर्ज वसुलीस स्थगिती: शेतीशी निगडीत कर्जाच्या वसुलीस एक वर्षासाठी स्थगिती देण्यात आली आहे.
या निर्णयामुळे, पुढील एक वर्षासाठी कर्ज वसुलीसाठी बँका शेतकऱ्यांवर कोणताही दबाव आणू शकणार नाहीत. Shetkari Karj धारकांसाठी हा मोठा आधार ठरला आहे.
२९ जिल्ह्यांतील २८२ तालुक्यांना लाभ
या सरकारी निर्णयाचा लाभ राज्यातील २९ जिल्ह्यांमधील २८२ तालुक्यांमध्ये समाविष्ट असलेल्या गावातील शेतकऱ्यांना मिळणार आहे. यामध्ये २५१ पूर्णतः बाधित आणि ३१ अंशतः बाधित तालुक्यांचा समावेश आहे.
बँकांना तातडीचे आदेश
या सवलतींची अंमलबजावणी करण्यासाठी राज्य सरकारने राज्यस्तरीय बँकर्स समिती (SLBC), महाराष्ट्र राज्य सहकारी बँक लि. मुंबई, तसेच जिल्हा मध्यवर्ती सहकारी बँकांना तातडीने कार्यवाही करण्याचे आदेश दिले आहेत.
त्यांना अल्पमुदत कर्जाचे मध्यम मुदत कर्जात रुपांतरण करणे आणि Shetkari Karj वसुलीस स्थगिती देण्याबाबत आवश्यक ती कार्यवाही पूर्ण करावी लागेल.
सहकार आयुक्त व निबंधक, सहकारी संस्था, महाराष्ट्र राज्य, पुणे यांनी या शासन परिपत्रकाची अंमलबजावणी काटेकोरपणे करावी, अशा सूचनाही देण्यात आल्या आहेत.
हे पाऊल राज्यातील शेतकरी वर्गाला मोठा दिलासा देणारे असून, किमान पुढील एक वर्ष तरी त्यांना Shetkari Karj वसुलीच्या तगाद्यातून मुक्ती मिळणार आहे. यामुळे शेतकऱ्यांना पुन्हा उभे राहण्यास आणि पुढील हंगामासाठी तयारी करण्यास मोठा दिलासा मिळाला आहे.
अधिक माहितीसाठी : शासन निर्णय वाचा
पीएम किसान सन्मान योजनेचा 21 वा हप्ता शेतकऱ्यांच्या खात्यात जमा, PM Kisan ekyc आवश्यक
