TAIT Exam Application Date Extended महाराष्ट्र राज्यातील सर्व स्थानिक स्वराज्य संस्था व खाजगी व्यवस्थापनाच्या शाळांमध्ये पवित्र पोर्टल द्वारे शिक्षक भरतीसाठी TAIT Exam 2025 करिता ऑनलाईन अर्ज मागविण्यात येत आहे. आता महाराष्ट्र राज्य परीक्षा परिषदेकडून (mscepune) ऑनलाईन अर्ज करण्यासाठी मुदतवाढ देण्यात आली आहे. याबाबतचे प्रसिद्धी निवेदन दिनांक 6 मे 2025 रोजी जाहीर करण्यात आले आहे.
TAIT Exam Application Date Extended संपूर्ण माहिती
महाराष्ट्र राज्यातील सर्व स्थानिक स्वराज्य संस्था व खाजगी व्यवस्थापनाच्या शाळांमध्ये पवित्र या संगणकीय प्रणालीव्दारे शिक्षक भरती करीता शिक्षक अभियोग्यता व बुध्दीमत्ता चाचणी (TAIT) 2025 या परीक्षेचे ऑनलाईन पध्दतीने आयोजन करण्यात येत आहे.
TAIT Exam Application Date Extended टेट परीक्षेबाबतची अधिसूचना महाराष्ट्र राज्य परीक्षा परिषदेच्या www.mscepune.in या संकेतस्थळावर दिनांक 25 एप्रिल 2025 रोजी प्रसिध्द करण्यात आली आहे. सदर परीक्षेचे ऑनलाईन आवेदनपत्र सादर करण्याची मुदत दि. 10 मे 2025 पर्यंत देण्यात आली होती. मात्र आता मुदतवाढ देण्यात आली असून, दिनांक 14 मे 2025 पर्यंत TAIT Exam साठी ऑनलाईन अर्ज करता येणार आहे. तसेच ऑनलाईन आवेदनशुल्क भरण्याची मुदत दिनांक 14 मे 2025 रोजी 23.59 मि. पर्यंत असणार आहे.
MAHA TAIT Exam New Rule 2025 जाहीर, नवीन नियम आणि अर्ज प्रक्रिया संपूर्ण माहिती जाणून घ्या
दि. ०२/०५/२०२५ शासन शुद्धिपत्रकानुसार शैक्षणिक अर्हता प्राप्त केल्यानंतर व्यावसायिक अर्हता अभ्यासक्रमाच्या शेवटच्या सत्रात प्रविष्ठ असणारे अथवा शेवटच्या सत्राच्या अंतिम परीक्षेस प्रविष्ठ असणारे उमेदवार यांना देखील शिक्षक अभियोग्यता व बुध्दीमत्ता चाचणी (TAIT) २०२५ परीक्षेस प्रविष्ठ होण्यास पात्र राहतील. मात्र दि. ०५/०५/२०२५ पूर्वी आवेदनपत्र भरलेल्या उमेदवारांना सदर सुधारित तरतूदीचा लाभ घ्यावयाचा असेल तर त्यांनी पुनःश्च ऑनलाईन आवेदनपत्र भरावे. पुनःश्च भरलेले ऑनलाईन आवेदनपत्र अंतिम समजून पहिले आवेदनपत्र रद्द करण्यात येईल.
उमेदवारांची इतर स्पर्धा परीक्षा असल्यास माहिती भरण्याचे आवाहन
शिक्षक अभियोग्यता व बुध्दीमत्ता चाचणी (TAIT) – 2025 परीक्षा घेण्याचे आयोजन दि. 24 मे 2025 ते दि. 5 जून 2025 या कालावधीमध्ये करण्यात आले असून B.Ed. व M.Ed., महाराष्ट्र लोकसेवा आयोग (MPSC) परीक्षा तसेच इतर स्पर्धा परीक्षेस प्रविष्ठ असणाऱ्या विद्यार्थी/उमेदवारांचा परीक्षा कालावधी दि. २४/०५/२०२५ ते दि. ०५/०६/२०२५ या कालावधीमध्ये नियोजित असेल तर अशा विद्यार्थी/उमेदवारांनी आपली माहिती विहित नमुन्यात परीक्षा परिषदेने दिलेल्या https://mscepune.in/DTEDOLA/TAIT2025 Info.aspx या लिंकद्वारे दि. 14 मे 2025 पर्यंत सादर करावी. जेणेकरुन शिक्षक अभियोग्यता व बुद्धिमत्ता चाचणी परीक्षा (TAIT) 2025 परीक्षेला प्रविष्ठ असलेल्या उमेदवारांचे परीक्षेच्या बॅचेसचे नियोजन करणे सुलभ होईल.
उमेदवारांनी वर दिलेल्या लिंकद्वारे विहित मुदतीत माहिती सादर न केल्यास उमेदवार परीक्षेपासून वंचित राहिल्यास याची सर्वस्वी जबाबदारी संबंधित उमेदवाराची राहील असे प्रसिद्धी निवेदनाद्वारे कळविण्यात आले आहे.
अधिकृत वेबसाईट : https://www.mscepune.in/
