BARTI Contractual Staff Mandhan Vadh डॉ. बाबासाहेब आंबेडकर संशोधन व प्रशिक्षण संस्था (BARTI) मध्ये मागील 12 वर्षांपासून मानधनावर कार्यरत असलेल्या कंत्राटी कर्मचाऱ्यांच्या मानधनात अखेर दिलासादायक वाढ करण्यात आली आहे. महागाई भत्त्यानुसार तब्बल 46 टक्के वाढ करण्यात आल्याची माहिती सामाजिक न्याय मंत्री संजय शिरसाट यांनी दिली आहे.
BARTI Contractual Staff Mandhan Vadh
वाढत्या महागाईच्या पार्श्वभूमीवर निर्णय
सामाजिक न्याय मंत्री शिरसाट म्हणाले, “महागाईमुळे निर्माण झालेल्या आर्थिक अडचणी लक्षात घेता ही वाढ अत्यंत आवश्यक होती. कर्मचाऱ्यांचे प्रश्न लक्षात घेऊन सरकारने ही सकारात्मक भूमिका घेतली आहे.”
BARTI Contractual Staff Mandhan Vadh या निर्णयामुळे जात पडताळणी कार्यालये, बार्टीचे मुख्यालय, उपकेंद्रे, तसेच सामाजिक न्याय विभागांतर्गत कार्यरत असलेल्या सर्व कंत्राटी कर्मचाऱ्यांना थेट फायदा होणार असून, 46 टक्के प्रमाणे मानधन वाढ मिळणार आहे.
12 वर्षांपासून सेवेत असलेल्या कर्मचाऱ्यांना न्याय
बार्टीमध्ये अनेक कर्मचारी मागील 12 वर्षांपासून अल्प मानधनावर काम करत होते. या वाढीमुळे त्यांच्या जीवनमानात थोडाफार दिलासा मिळणार असून, सामाजिक न्याय मंत्रालयाने त्यांच्या भावनांना योग्य तो मान दिला आहे.
कर्मचाऱ्यांकडून समाधान व्यक्त
या निर्णयाबद्दल सर्व कर्मचाऱ्यांनी समाधान व्यक्त करत सामाजिक न्याय मंत्री श्री. संजय शिरसाट यांचे आभार मानले आहेत. हा निर्णय म्हणजे सामाजिक न्यायाच्या तत्वांची प्रत्यक्ष अंमलबजावणी असल्याची भावना कर्मचाऱ्यांनी व्यक्त केली.
बार्टी म्हणजे काय? BARTI
बार्टी म्हणजे डॉ. बाबासाहेब आंबेडकर संशोधन व प्रशिक्षण संस्था, पुणे (BARTI – Dr. Babasaheb Ambedkar Research and Training Institute).
ही संस्था महाराष्ट्र शासनाच्या सामाजिक न्याय आणि विशेष सहाय्य विभागाच्या अखत्यारीत असून समाजात समता, सामाजिक न्याय, वैज्ञानिक दृष्टिकोन आणि बंधुता वाढवण्यासाठी कार्यरत आहे.
बार्टीची स्थापना कशी झाली?
- भारतरत्न डॉ. बाबासाहेब आंबेडकर यांनी मांडलेल्या न्याय, स्वातंत्र्य, समानता आणि बंधुता या विचारांवर आधारित काम करण्याच्या उद्देशाने,
महाराष्ट्र शासनाच्या सांस्कृतिक व्यवहार, क्रीडा व पर्यटन विभागाने दिनांक 22 डिसेंबर 1978 रोजी
“डॉ. बाबासाहेब आंबेडकर समता विचारपीठ” या संस्थेची स्थापना केली. - या संस्थेने 12 मार्च 1979 रोजी महात्मा फुले मागासवर्गीय विकास महामंडळ लिमिटेड, मुंबई येथून काम सुरू केले.
- 11 फेब्रुवारी 1987 रोजी संस्थेला पुणे येथे हलवण्यात आले. संस्थेचा नवा पत्ता होता –
28, क्वीन्स गार्डन, जुनं सर्किट हाऊसजवळ, पुणे – 411001. - वर्ष 2008 मध्ये, ही संस्था अधिक स्वायत्त करण्यात आली आणि तिचं नाव ठेवलं गेलं –
डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे. - ही संस्था भारतीय सोसायटी नोंदणी कायदा 1860 आणि भारतीय सार्वजनिक ट्रस्ट कायदा 1950 अंतर्गत नोंदणीकृत आहे.
बार्टीचे प्रमुख उद्दिष्टे व कार्य
बार्टी ही संस्था समाजातील मागास, वंचित व अनुसूचित जातीच्या नागरिकांसाठी खालील प्रकारची कामे करते:
1. शिक्षण, प्रशिक्षण आणि रोजगारासाठी मदत
- अनुसूचित जातीतील तरुणांना मार्गदर्शन, प्रशिक्षण व आर्थिक सहाय्य देऊन रोजगारक्षम बनवणे.
- कौशल्य विकास कार्यक्रम, व्यवसाय प्रशिक्षण, शासकीय स्पर्धा परीक्षा मार्गदर्शन इत्यादी उपक्रम.
2. समतेचा विचार समाजात रुजवणे
- डॉ. बाबासाहेब आंबेडकर यांचे समता, बंधुता, न्याय आणि सामाजिक सुधारणांचे विचार प्रचारित करणे.
- समाजात सांप्रदायिक सलोखा आणि वैज्ञानिक दृष्टिकोन वाढवण्याचा प्रयत्न.
3. जात वैधता प्रमाणपत्र व्यवस्थापन
- नागरिकांना ऑनलाइन जात प्रमाणपत्र पडताळणी प्रणाली उपलब्ध करून देणे.
- जुने प्रकरणांचे डिजिटायझेशन, स्कॅनिंग, संग्रह आणि शोध सुविधा.
4. संशोधन आणि धोरण मार्गदर्शन
- अनुसूचित जातींवर केंद्रित संशोधन प्रकल्प राबवणे.
- शासनाला धोरणात्मक शिफारसी, योजना सुधारणा आणि नवे उपक्रम यासाठी मार्गदर्शन करणे.
5. प्रकाशन व जनजागृती
- पुस्तके, मासिके, संशोधन जर्नल्स प्रकाशित करणे.
- फेलोशिप्स, चर्चासत्रे, कार्यशाळा, परिषदांचे आयोजन करून संशोधनाला प्रोत्साहन देणे.
6. सामाजिक उपक्रम व निधी संकलन
- विविध सामाजिक प्रकल्पांसाठी निधी गोळा करणे आणि त्यातून उपक्रम राबवणे.
- समाजात बंधुता, सामाजिक न्याय आणि राष्ट्र एकात्मता प्रस्थापित करणे.
अधिक माहितीसाठी भेट द्या : https://www.barti.in/
