MPSC Exam in Marathi: महाराष्ट्र लोकसेवा आयोगाच्या (MPSC Exam Pattern) अंतर्गत घेण्यात येणाऱ्या सर्वच स्पर्धा परीक्षा मराठीत उपलब्ध करून देण्याच्या दृष्टीने राज्य शासन नियोजन करत आहे, अशी माहिती मुख्यमंत्री देवेंद्र फडणवीस यांनी विधानपरिषदेत दिली.
Table of Contents
मराठी भाषेतील परीक्षांसाठी शासनाचा पुढाकार MPSC Exam in Marathi
विधानपरिषद सदस्य मिलिंद नार्वेकर यांनी एमपीएससीच्या परीक्षा मराठीत (MPSC Exam in Marathi) घेण्याबाबत प्रश्न विचारला असता, मुख्यमंत्री फडणवीस यांनी उत्तर देताना स्पष्ट केले की राज्यातील अभियांत्रिकी आणि कृषी विषयक तांत्रिक पदांच्या स्पर्धा परीक्षा सध्या इंग्रजीत घेतल्या जातात. याचे मुख्य कारण म्हणजे संबंधित अभ्यासक्रमांची पुस्तके मराठीत उपलब्ध नाहीत. मात्र, आता अभियांत्रिकी शिक्षण मराठीत घेण्यास परवानगी मिळाल्यामुळे लवकरच या अभ्यासक्रमांची पुस्तके मराठीत प्रकाशित केली जाणार आहेत.
लाडकी बहीण योजना: ‘रूपे कार्ड’ लाँच आणि ₹3000 जमा होण्याची नवीन तारीख जाहीर!
स्पर्धा परीक्षांचे मराठीकरण लवकरच MPSC Exam
मुख्यमंत्री फडणवीस यांनी पुढे सांगितले की, मराठीत तांत्रिक शिक्षणाची सुविधा निर्माण झाल्यानंतर या परीक्षांचा अभ्यासक्रमही मराठीत विकसित केला जाईल. त्यानंतर अभियांत्रिकी, कृषी आणि इतर तांत्रिक पदांसाठीच्या स्पर्धा परीक्षा मराठीत घेण्याचे शासनाचे नियोजन आहे. या संदर्भात आवश्यक धोरणात्मक निर्णय लवकरच घेतले जातील.
मुख्यमंत्री युवा कार्य प्रशिक्षण योजना: आता ११ महिन्यांपर्यंत प्रशिक्षण व ₹10,000 मानधन!
विद्यार्थ्यांसाठी महत्त्वाचे पाऊल
राज्यभरातील अनेक विद्यार्थी एमपीएससी परीक्षा देतात, मात्र इंग्रजी माध्यमातील परीक्षेमुळे मराठी भाषिक विद्यार्थ्यांना अडचणी येतात. ही अडचण दूर करण्यासाठी राज्य शासनाच्या वतीने मराठीत परीक्षांचे आयोजन करण्याचा निर्णय घेण्यात येत आहे. यामुळे ग्रामीण भागातील तसेच मराठी माध्यमातून शिक्षण घेतलेल्या विद्यार्थ्यांना मोठा फायदा होणार आहे.
महाराष्ट्र सामायिक प्रवेश परीक्षा (एमएचटी-सीईटी) जाहीर सूचना!
मुख्यमंत्री फडणवीस यांनी स्पष्ट केले की, महाराष्ट्र शासन विद्यार्थ्यांसाठी अनुकूल वातावरण निर्माण करण्यासाठी कटिबद्ध आहे. स्पर्धा परीक्षा मराठीत (MPSC Exam in Marathi) होण्यासाठी आवश्यक सर्व पावले उचलली जातील आणि भविष्यात एमपीएससीच्या सर्वच परीक्षा मराठीत देता येतील, यासाठी प्रयत्न केले जातील.
राष्ट्रीय नागरी आरोग्य अभियान अंतर्गत 102 पदांची भरती – अर्ज सुरू!
अधिक माहितीसाठी भेट द्या: https://mpsc.gov.in/
