केंद्रीय सरकारी कर्मचाऱ्यांसाठी एक आनंदाची बातमी आहे. अर्थ मंत्रालयाच्या वित्तीय सेवा विभागाने (DFS) सरकारी कर्मचाऱ्यांची आर्थिक सुरक्षा आणि कल्याण डोळ्यासमोर ठेवून सार्वजनिक क्षेत्रातील बँका (Public Sector Banks) सोबत एक महत्त्वपूर्ण करार केला आहे. या अंतर्गत आता कर्मचाऱ्यांना एक विशेष ‘कॉम्पोजिट सॅलरी अकाउंट पॅकेज’ (Salary Account Package for Central Government Employees) मिळणार आहे.
हे नवीन पाऊल केवळ बँकिंग सुविधेपुरते मर्यादित नसून, यात विम्याचे मोठे संरक्षण देखील समाविष्ट करण्यात आले आहे. ‘विकसित भारत २०४७’ आणि ‘२०४७ पर्यंत सर्वांसाठी विमा’ या सरकारच्या उद्दिष्टांना अनुसरून हे पाऊल उचलण्यात आले आहे.
नेमके काय आहे हे नवीन पॅकेज? | Salary Account Package
वित्तीय सेवा विभागाचे सचिव श्री. एम. नागराजू यांच्या हस्ते या पॅकेजचे औपचारिक उद्घाटन करण्यात आले. हे (Salary Account Package) विशेषतः गट ‘अ’, ‘ब’ आणि ‘क’ (Group A, B, and C) मधील सर्व स्तरांतील केंद्रीय कर्मचाऱ्यांसाठी डिझाइन केलेले आहे.
बँकांसोबत सविस्तर चर्चा करून तयार करण्यात आलेले हे पॅकेज कर्मचाऱ्यांना ‘one-stop financial solution’ प्रदान करते. म्हणजेच, बँकिंग, विमा आणि क्रेडिट/डेबिट कार्ड या तीनही महत्त्वाच्या सेवा एकाच छताखाली आणि अधिक फायद्यांसह मिळणार आहेत.
या पॅकेजची प्रमुख वैशिष्ट्ये आणि फायदे
या नवीन पॅकेजमध्ये कर्मचाऱ्यांना तीन मुख्य विभागांतर्गत फायदे मिळतील:
१. बँकिंग सुविधा (Banking Benefits)
- झिरो बॅलन्स खाते: कर्मचाऱ्यांना झिरो बॅलन्स सॅलरी अकाउंटची सुविधा मिळेल.
- मोफत व्यवहार: RTGS, NEFT आणि UPI द्वारे पैसे पाठवणे पूर्णपणे मोफत असेल. तसेच चेकबुक सुविधाही मोफत असेल.
- कर्जावर सवलत: गृह कर्ज (Home Loan), वाहन कर्ज, शिक्षण आणि वैयक्तिक कर्जावर व्याजात सवलत मिळेल. तसेच कर्जाच्या प्रोसेसिंग फी मध्येही सवलत दिली जाईल.
- लॉकर सुविधा: लॉकरच्या भाड्यात (Rent) सूट आणि फॅमिली बँकिंगचे फायदेही मिळतील.
२. वर्धित विमा संरक्षण (Enhanced Insurance Coverage)
या (Salary Account Package) चे सर्वात मोठे वैशिष्ट्य म्हणजे यात मिळणारे विमा संरक्षण
- अपघात विमा (Personal Accident Insurance): १.५० कोटी रुपयांपर्यंतचे वैयक्तिक अपघात विमा संरक्षण.
- हवाई अपघात विमा (Air Accident Insurance): २ कोटी रुपयांपर्यंतचे हवाई अपघात विमा संरक्षण.
- अपंगत्व संरक्षण (Disability Cover Insurance) : कायमस्वरूपी किंवा आंशिक अपंगत्वासाठी १.५० कोटी रुपयांपर्यंतचे कव्हर.
- टर्म लाइफ इन्शुरन्स (Term Life Insurance) : २० लाख रुपयांपर्यंतचा इन-बिल्ट टर्म विमा, जो टॉप-अप सुविधेसह वाढवता येऊ शकतो.
- आरोग्य विमा (Health Insurance) : स्वतःसाठी आणि कुटुंबासाठी सर्वसमावेशक आरोग्य विमा आणि परवडणाऱ्या दरात टॉप-अपची सुविधा.
३. डिजिटल आणि कार्ड सुविधा (Digital & Card Features):
- डेबिट आणि क्रेडिट कार्डवर विशेष फायदे.
- एअरपोर्ट लाउंज ॲक्सेस, रिवॉर्ड पॉइंट्स आणि कॅशबॅक ऑफर्स.
- अमर्यादित व्यवहार (Unlimited transactions) आणि कोणतेही मेंटेनन्स चार्जेस नसतील.
Salary Account Package का महत्त्वाचे आहे?
सरकारी कर्मचारी हे आपल्या प्रशासनाचा कणा आहेत. त्यांना आधुनिक बँकिंग सेवा आणि आर्थिक सुरक्षा एकाच ठिकाणी मिळावी, या उद्देशाने हे बदल करण्यात आले आहेत. वैद्यकीय कव्हर, विमा आणि बँकिंग सुविधांचे हे एकत्रीकरण कर्मचाऱ्यांना मानसिक शांती आणि आर्थिक स्थैर्य देईल.
लाभ कसा घ्यावा?
वित्तीय सेवा विभागाने (DFS) सर्व सार्वजनिक क्षेत्रातील बँकांना या (Salary Account Package) ची माहिती आपल्या वेबसाइटवर प्रसिद्ध करण्याच्या आणि सरकारी कार्यालयांमध्ये विशेष शिबिरे आयोजित करण्याच्या सूचना दिल्या आहेत.
जे कर्मचारी सध्या सार्वजनिक क्षेत्रातील बँकांमध्ये पगार खाते वापरत आहेत, ते आपल्या संमतीने या नवीन पॅकेजमध्ये आपले खाते मायग्रेट (Migrate) करू शकतात. अधिक माहितीसाठी कर्मचारी DFS च्या अधिकृत वेबसाइटला भेट देऊ शकतात.
सरकारचा हा निर्णय कर्मचारी आणि बँक यांच्यातील नाते अधिक दृढ करणारा असून, प्रत्येक केंद्रीय कर्मचाऱ्याने या सुवर्णसंधीचा लाभ घेणे हिताचे ठरेल.
अधिक माहितीसाठी : अधिकृत निर्णय येथे पाहा
